Бындай ҡарар Рәсәй халыҡтары спартакиадаһын, атап үткәндә велосипед буйынса ярыштар уҙғарыуға бәйле ҡабул ителгән. 1 августа иртәнге сәғәт 7-нән көндөҙгө 2-гә тиклем Сельская Богородская, Мушников, Маршал Жуков урамдарында һәм Баландин бульварында өлөшләтә транспорт хәрәкәте туҡтатыла. Ошондай уҡ сикләү йәкшәмбе иртәнге сәғәт 6-нан көндөҙгө сәғәт 2-гә тиклем планлаштырылған. Шәмбе шулай уҡ иртәнге сәғәт 10-дан киске 5-кә тиклем Иҫке Шишмә юлының Келәш, Әри һәм Ҡара Яҡуп ауылдары араһындағы участка ябыла. Шишмә районы хакимиәте водителдәргә ваҡытлыса уңайһыҙлыҡтарҙы аңлап ҡабул итеүҙәрен һәм маршрутты алдан хәстәрләүҙәрен һорап мөрәжәғәт иткән.
