Республика хәрби хәрәкәттәр ветерандары берлеге рәйесе Оскар Ситдиков белдереүенсә, яңы платформа оҙайлы һәм эҙмә-эҙлекле эш һөҙөмтәһе. - Йыш ҡына алғы һыҙыҡтан әйләнеп ҡайтҡан ветеран ярҙам саралары тураһында белмәй. Уға төрлө ведомстволарға барырға тура килә. Мобиль ҡушымта ошо проблеманы хәл итә, ул "берҙәм тәҙрә" рәүешендә эшләй. Яңылыҡтар, мөрәжәғәт, эш эҙләү, юридик һәм психологик ярҙам, аралашыу өсөн чаттар - барыһы ла бер урында. Бюрократик мәсьәләләрҙе хәл итеү күпкә тиҙәйә, тине Оскар Ситдиков. Башҡортостан ошондай платформа ҡулланылған тәүге төбәк булып тора.
