Сара Рәсәй Һаулыҡ һаҡлау министрлығы ярҙамында үткәрелә. Унда илдең төрлө төбәктәренән 90 медицина ойошмаһы етәксеһе ҡатнаша. Белем биреү программаһында ҡатнашыусылар Өфөнөң алдынғы медицина үҙәктәре менән таныша. Республика кардиология үҙәгендә уларға өлкәндәргә һәм балаларға юғары технологиялы ярҙам ойошмаһы тәҡдим ителә. Республика балалар клиник дауаханаһы медицина ярҙамы күрһәтеү формалары менән таныштыра. Тағы ла бер майҙансыҡ – Республика ҡан биреү станцияһы-Рәсәйҙә тәүгеләрҙән булып санитар авиация, ашығыс ярҙам һәм һәләкәттәр медицинаһы өсөн тәғәйенләнгән лиофилизацияланған плазманы сәнәғәттә етештерә башлаусыларҙың береһе. Шишмә районы фельдшер-акушерлыҡ пункттарында ауылда беренсел медицина ярҙамын ойоштороу һәм пациенттарҙы район һәм республика учреждениеларына ебәреү тәжрибәһе менән таныштыралар. Бөрө медицина-фармацевтика колледжында һаулыҡ һаҡлауҙың беренсел звеноһы белгестәрен әҙерләү системаһы тәҡдим ителә.
