Мифтахетдин Аҡмулла исемендәге Башҡорт дәүләт педагогия университетының өс корпусындағы ун кабинет һәм лабораториялар яңыртыла. Төҙөкләндереү эштәре «Йәштәр һәм балалар» милли проекты буйынса алып барыла. Ошо маҡсатта федераль ҡаҙнанан 50 миллион һумға яҡын аҡса бүленгән. Әле подрядсы компания тарафынан эске биҙәкләү эштәре ойошторолған. Юғары уҡыу йортона шулай уҡ ғилми тикшеренеүҙәр алып барыуға һанлы ҡорамалдар ҙа һатып алынған.
