Өфөлә махсус хәрби операцияла ҡатнашҡан яугирҙар өсөн медицина хеҙмәттәрен сиратһыҙ алыу хоҡуғы булдырылды. Ҡала поликлиникаларында «Йәшел коридор» эшләй башланы. Ул бөтә кәрәкле табиптарҙы бер көн эсендә сиратһыҙ үтеү мөмкинлеген бирә. Проект төбәктең «Ватанды һаҡлаусылар» дәүләт фонды һәм Башҡортостандың һаулыҡ һаҡлау министрлығы ярҙамында тормошҡа ашырыла. Диспансерлаштырыу ике өлөштән тора. Был процедура тулыһынса бушлай һәм ял көндәрендә лә ғәмәлдә ҡала. Сөнки бөгөн геройҙарыбыҙҙың тыныс тормошҡа ҡайтыуын мөмкин тиклем уңайлы итеү һәм тиҙләтеү төп бурыстарҙың береһе.
