Кескәй пациенттарҙың репродуктив һаулығын баһалау өсөн диспансеризация ойошторолған, федераль үҙәк белгестәре менән телемедицина ярҙамында консультация уҙғарылған. Һаулыҡ һаҡлау министры Айрат Рәхмәтуллин белдереүенсә, Башҡортостанда төрлө сирҙәр буйынса 12 махсуслаштырылған балалар үҙәге эшләй. Уларҙа яңы технологиялар ярҙамында юғары медицина ярҙамы күрһәтелә.
Өфөлә балалар дауаханаһы төҙөү ҡарала. Был турала хөкүмәттә уҙған оператив кәңәшмәлә белдерелде. Республика Башлығы Радий Хәбиров Һаулыҡ һаҡлау министрлығына ер участкаһын билдәләргә һәм проектлау эшен башларға ҡушты.
