Урындағы мәҙәниәт йортонда ойошторолған профилактик сарала һәр кем һаулығы буйынса табиптарҙан бушлай консультациялар алды, шулай уҡ кеше ғүмерҙәрен ҡотҡарырға өйрәнде. Шулай уҡ зарарлы ғәҙәтте файҙалы емеш-еләккә алмаштырыу мөмкин ине. Өфөнөң ашығыс медицина ярҙамы клиник дауаханаһы баш табибы Ирина Карамова лекция менән сығыш яһап, әүҙем оҙон ғүмерлелек серҙәре менән таныштырҙы. Оҙаҡ йылдар үҙеңде яҡшы формала тотоу өсөн көндәлек режимды төҙөргә кәрәк тигән ҡарашта белгес.
Шулай уҡ сара аҙағында асыҡ һауала зарядка ла уҙғарылды. Марафонда ҡатнашыусылар ун мең аҙым үтеп тә сәләмәтлеген нығытты.
