Республика башлығы Радий Хәбиров “Йәмәғәт киңлектәре сәғәте”н үткәрҙе. Хөкүмәттә уҙған кәңәшмәлә йәмәғәт киңлектәрен тәртипкә килтереү мәсьәләләре тикшерелде. Шулай уҡ Затон күперен ремонтлау айырым иғтибарға алынды. Бында эштәр 2027-2028 йылдарҙа башҡарала. “Уңайлы ҡала мөхитен булдырыу” федераль проектына ярашлы Өфөлә Салауат Юлаев майҙаны, Стәрлетамаҡта Ленин проспектындағы аллея, Октябрьскийҙа Гагарин һәм “Нефтсе” парктары яңыртыла. Шулай уҡ Бөтә Рәсәй конкурсында еңеү яулаған йәмәғәт биләмәләрен проектлау башланды. Стәрлетамаҡ, Туймазы, Благовещен, Яңауыл һәм Малаяҙ ауылы федераль ярҙам ала.
