Ундағы ризыҡ тәмлеме? Һорауға уҡыусылар үҙҙәре яуап бирҙе. Бөгөн Өфө мәктәптәренең береһендә сәләмәт туҡланыуға арналған сара үтте. Башланғыс синыфтар ҡатнашлығында ойошторолған оҫталыҡ дәресендә балалар мәктәп ашханаһында нисек туҡланырға, нимә ашарға теләүҙәрен һөйләне. Бутерброд әҙерләү серҙәренә төшөндө.
Сәләмәт туҡланыуға арналған сара артабан асыҡ дәрес рәүешендә дауам итте. Уҡыусылар туҡланыу рационы тураһында әңгәмә ҡорҙо, викторина һорауҙарына яуап бирҙе. Сара йыл һайын төрлө синыфтар араһында ойошторола.
