Балтас районынан 16 йәшлек Рәдим Ғәлиуллин Екатеринбургта үткән армреслинг буйынса Рәсәй беренселегендә өс алтын миҙал яуланы. Йәш спортсы башта һул, аҙаҡ уң, һуңынан ике ҡуллы көрәштә лә үҙен һынатманы. Тренеры Айваз Сафетдинов билдәләүенсә, Рәдим армреслинг менән ике йыл ғына шөғөлләнә һәм был уның тәүге еңеүе. Бөтә алыштар ҙа бер минуттан артмаған.
Екатеринбургҡа илдең төрлө төбәктәренән 700-ҙән артыҡ спортсы килгән. Өлкәндәр араһында еңеү яулаған көрәшселәр май айында Болгарияла үтәсәк Европа чемпионатында сығыш яһаясаҡ.
