Илдең һаулыҡ һаҡлау министрлығы был акцияны сәләмәт йәшәү рәүешен ойоштороу стратегияһына индерәсәк. Әле Рәсәйҙә сараға меңдән ашыу ауыл ҡушылған. Ул арала Башҡортостан эскелек менән көрәштең икенсе баҫҡысына күтәрелде.
Хәҙер төбәктә закон нигеҙендә араҡы һатыуҙы тыйырға мөмкин. Хәйер, ауылдарға үҙ биләмәһендә «ҡоро закон» ҡабул итеү мөмкинлеге биргән ҡануниәт күптән ҡабул ителде. Әммә уны индерергә теләүселәр өсәү генә. Шул уҡ ваҡытта беҙҙән күреп тәжрибәне үҙләштергән төбәктәрҙә эсмәгән ауылдар һаны йөҙҙән ашты. Нимә ҡамасаулай һуң ауылдарҙы айнытырға? Әллә закон закон түгелме?
