Мостай Кәрим ҡурсаҡ рәүешендә һынландырыласаҡ

Башҡорт дәүләт ҡурсаҡ театрында Башҡортостандың халыҡ шағиры Мостай Кәримдең тормошон һәм ижадын һүрәтләүсе спектакль ҡуйыласаҡ.

Идея авторы һәм спектакль режиссеры Альберт Имаметдинов башҡарыласаҡ эш хаҡында былай ти: “Төп теләгем – Мостафа Сафа улын үҙе менән тотош бер дәүерҙе һүрәтләгән кеше итеп күрһәтеү. Эшемдең төп маҡсаты – үҫеп килгән быуында ижадҡа ҡыҙыҡһыныу уятыу”.

Спектакль өсөн пьесаны драматург Владимир Аношкин яҙа. Художестволы биҙәлеш өҫтөндә Әнисә Томаншина һәм Илнур Слявчин эшләйҙәр. Бейеүҙәрҙе хореограф Светлана Әйүпова ҡуя, ә музыканы Урал Иҙелбаев ижад итә.

“Мостай Кәрим. Яҡын офоҡ” спектакле апрелдә тапшырыласаҡ. Тамашасылар уны киләһе миҙгелдә ҡарай аласаҡ.