Өфө хакимиәте республика бюджетына 1 миллиард һум бурыслы

Өфө хакимиәте Башҡортостан ҡаҙнаһына халыҡты авария хәлендәге иҫке торлаҡтан күсереү программаһына алған бер миллиард һумды кире ҡайтарырға тейеш. Был хаҡта республика Башлығы Рөстәм Хәмитов Сочила уҙған форумда хәбәр итте.

– Федераль бюджетҡа хакимиәт 500 миллион һум ҡайтарҙы. Тағы 600 миллион бурысы бар, суд ҡайһы бер йорттарҙы йәшәү өсөн яраҡлы тип танығанын иҫәпкә алһаҡ, тағы 400 миллион ҡайтараһы бар, – тип иғлан итте Рөстәм Хәмитов.