Өфөләге Ағиҙел аша үткән күперҙе Ҡала көнөнә асырға планлаштыралар. 12 июнгә тиклем әле байтаҡ ремонт эштәрен башҡарырға кәрәк.
Үткән йылдың декабрь башында Өфө – Аэропорт юлындағы күперҙең ватылыуы хаҡында тәүге хәбәрҙәр сыҡҡайны. 30 ноябрҙән ауыр йөклө транспортҡа күпер аша үтеү тыйылды, ә еңел машиналар хәрәҡәте сикләнде. 2018 йылдың ғинуарында күпер тулыһынса ябылды.
