Ғаилә, хеҙмәт һәм халыҡты социаль яҡлау министрлығының коллегия ултырышында үткән йылды хеҙмәт урынында 57 кешенең һәләк булыуы һәм 100 кешенең йәрәхәтләнеүе хаҡында хәбәр ителде.
Башҡортостандың Хеҙмәт инспекцияһы етәксеһе Татьяна Астрелина билдәләүенсә, фажиғале осраҡтарҙың күбеһе канализация ҡоҙоҡтарында эштәр башҡарғанда теркәлә. Күңелһеҙ хәлгә илткән төп сәбәп – эшселәрҙең иҫерек булыуы. Был йәһәттән Дәүләт инспекцияһы ҡаты контроль ойоштормаҡсы.
Бынан тыш, республикала 2014 йылдан бирле бөтә предприятиеларҙа мотлаҡ рәүештә, эш урындарының хеҙмәт шарттары тикшерелә. 2014-2017 йылдарҙа йәмғеһе 7 меңдән ашыу ойошма-предприятиела эш урындары, ундағы шарттар тикшерелде.
