Бәләбәй районының махсус тәбиғәт һаҡлағысында рөхсәтһеҙ һунар итеүселәр ҡулға алынды. Улар өс йәшлек мышыны аулаған.
Иҫегеҙгә төшөрәбеҙ, Рәсәй Федерацияһының тәбиғәттән файҙаланыу министрлығы бойороғо буйынса 12 февралдән браконьерлыҡ өсөн штраф күләме бер-нисә тапҡырға артты. Элек рөхсәтһеҙ мышы атыусыларға 40 мең һум штраф һалынһа, хәҙер - 80 мең һум.
Әгәр кейек-януарҙарға һунар махсус билдәләнгән осорҙан тыш ойошторолһа, түләүгә ярашлы штраф күләме ете тапҡырға арта. Шулай итеп, енәйәтселәр мышы өсөн 560 мең һум түләргә бурыслы.
