Башҡортостанда ике бүлмәле фатир янған

Кисә, 27 февраль, Ишимбай ҡалаһының бер йортонда янғын сыҡҡан.

Ғәҙәттән тыш хәлдәр министрлығына Совет урамында ике бүлмәле фатирҙа янғын сығыуы тураһында мәғлүмәт хәбәр ителгән. Ут һүндереүгә ярты сәғәт киткән.

Фажиғә һөҙөмтәһендә яфаланыусы бар. Янғын урынында 3 махсус техника, 6 ҡотҡарыусы эшләгән. Ут ҡабыу сәбәптәре асыҡлана.