Был турала Дәүләт Йыйылышы - Ҡоролтай рәйесе урынбаҫары Йомабикә Ильясова беҙҙең телеканалға биргән интервьюһында белдерҙе.
Дәүләт башлығының сығышын ике өлөшкә бүлеп ҡарарға мөмкин. Тәүгеһе илдең иҡтисади һәм эске үҫешенә бәйле булһа, икенсеһе сәйәсәткә һәм алдынғы, көслө дәүләттәр менән үҙ-ара уртаҡ тел табыуға йүнәлтелде. Владимир Путиндың торлаҡ йорттар файҙаланыуға тапшырыу, төҙөлөштә өлөшләтә ҡатнашыуҙан баш тартыу, шул уҡ ваҡытта юлдарҙы төҙөүгә, төҙөкләндереүгә, төбәк аэропорттарын киңәйтеүгә һәм балалыҡҡа ҙур иғтибар бүлеүе бик тә әһәмиәтле, тине Йомабикә Сәләхетдин ҡыҙы.
