Башҡортостанда һауа температураһы -32 градусҡа тиклем төшәсәк

Алдағы тәүлектәрҙә республикала ҡояшлы һәм һалҡын көндәр көтөлә. Ҡайһы бер райондарҙа ҡар яуыуы, иртәнсәк томан төшөүе күҙаллана.

Синоптиктар хәбәр итеүенсә, бөгөн, 12 мартта, Башҡортостан халҡын көслө һыуыҡтар көтә. Һауа температураһы төнөн -18, -23, урыны менән -32 градусҡа тиклем һалҡын буласаҡ. Көндөҙ -15 градус тирәһе.