Унда республикала граждандарҙың тормош сифатын яҡшыртыу буйынса тәҡдим-проекттар, уларҙы ғәмәлгә ашырыу йәһәтенән үҙ-ара хеҙмәттәшлек юлдары тикшерелде.
Төбәк башлығы билдәләүенсә, мәсьәләләр - уртаҡ: ике яҡ та халыҡтың йәшәү кимәлен яҡшыртыу өсөн эшләй. Халыҡ фронты вәкилдәренең чиновниктар, яуаплы вазифа биләүселәр эшмәкәрлеге менән риза булмаған осраҡтары ла була. Осрашыуҙа айырым бер кешене түгел, ә халыҡтың тормош кимәлен түбәнәйтеүгә юл ҡуйылыуын тәнҡитләргә кәрәклеге лә билдәләнде.
