Ул Өфө районының Жуков ауылында урынлашасаҡ. Төҙөлөш эштәре менән “Геотерра” компанияһы шөғөлләнә.
Комплексҡа 112 миллион һум инвестиция йәлеп ителгән, бынан тыш производствола 67 яңы эш урыны барлыҡҡа килә. Сүп-сар бер-нисә майҙансыҡта эшкәртеләсәк: икенсел сеймал әҙерләү, сорттарға бүлеү һәм преслау ҡаралған.
Был объект республика инвестиция проекттары араһында өҫтөнлөклө урын биләй. Сүп-сарҙы күберәк Өфөнөң төньяҡ өлөшөндә урынлашҡан предприятиеларынан килтерәсәктәр.
