Уҙған быуат башында уларҙың өлкәне Кәбир Туйкин төрки телле халыҡтар араһында билдәле яҙыусы, уның ҡустыһы Фазыл Туйкин фолькорсы булараҡ танылыу алған. Үҙ заманының алдынғы ҡарашлы кешеһе мәктәп-мәҙрәсәләрҙә математика фәнен дә уҡыта. Фазыл Туйкин шулай уҡ ауыл театрҙарын ойоштороу эшендә лә ҡатнаша, шиғри әҫәрҙәр ижад итә. Уның күп кенә әҫәрҙәре ваҡытлы матбуғат биттәрендә донъя күрә. 30-сы йылдарҙа ағалы-ҡустылы Туйкиндар «халыҡ дошманы» булыуҙа ғәйепләнеп, репрессия ҡорбандарына әйләнә.
Рәйлә Туйкина, Кәбир Туйкиндың ейәнсәре: «Хәтер кисәһенә тип Рәсәйҙең төрлө төбәктәренән Туйкиндарҙың 13 ейән-ейәнсәренең 9-ы килә алды. Аңлатып бөткөһөҙ тәьҫораттар кисерәм. Ошо көндә Кәбир Туйкинға арналған китаптың исем туйын уҙғарыуға ла бик бәхетлебеҙ».
