Моң көсө

Бөгөн Ҡалтасы районында үҙешмәкәр коллективтар, предприятие һәм ойошмалар араһында конкурс уҙа. Быйылғы мәҙәни сара республикала иғлан ителгән Ғаилә йылына арнала. Шунлыҡтан конкурста төбәктә йәшәүсе йыр-моңға ғашиҡ йәше лә, олоһо ла ҡатнаша.

Район мәҙәниәт йортонда төҙөкләндереү эштәре барһа ла, йыл һайын даими уҙғарылып килгән йыр-моң бәйгеһенә был ҡаршылыҡ була алмаған. Тиҫтәләгән үҙешмәкәр коллектив мәктәп, кинотеатр, балалар баҡсаларында репетицияларға йөрөп, конкурсҡа ныҡлы әҙерләнә. Урында йәшәүселәр әйтеүенсә, моң көсө район халҡын тағы ла берләштереп, эшкә илһамландыра.

Авторы: Азат Ғәлиуллин