Рөстәм Хәмитов Рәсәй Президентын һайлауҙарға әҙерлеккә баһа бирҙе

БСТ каналына биргән ҙур интервью сиктәрендә Башҡортостан Башлығы, был һайлауҙар бөтә ил тормошонда иң мөһим сара, тип белдерҙе. Республика һайлау үткәрергә тулыһынса әҙер.

– Беҙҙең республикала өс миллион алтмыш мең һайлау хоҡуғына эйә гражданин йәшәй. Һайлаусылар иҫәбе буйынса илдә беҙ 5-6 урында. Беҙҙә өс меңдән ашыу һайлау участкаһы бар. Улар берҙәм, тыныс һәм яҡшы эшләйәсәк. 2018 йылдғы һайлауҙар, әлбиттә, һәр йәһәттән мөһим. Беҙҙең республика халҡы унда актив рәүештә ҡатнашыу кәрәклеген аңлай, - тине Рөстәм Хәмитов.

Алда үткәрелгән һорауламалар буйынса һайлауҙарға килеү оптимистик һандар күрһәтә. 18 мартта беҙҙең алда торған төп бурыс - һайлауҙарҙың яҡшы үтеүенә бөтә шарттар булдырыу.

– Һайлауҙарға ҡыҙыҡһыныу ҙур икәне күренә. Халыҡ үҙенең гражданлыҡ бурысына яуаплы ҡарай. Һайлауҙар республикала тыныс һәм ойошҡан рәүештә үтәсәк, - тине Рөстәм Хәмитов.

Фото №1 - Рөстәм Хәмитов Рәсәй Президентын һайлауҙарға әҙерлеккә баһа бирҙе
Волна
БАШКОРТТАР-БСТ