Март квитанцияларында йылылыҡ өсөн хаҡтар артыуы күҙәтелгән. Был йәһәттән Өфө ҡала хакимиәтенә ялыуҙар күбәйгән.
Ҡала властары хәбәр итеүенсә, йылылыҡ өсөн тарифтар артмаған. Ҙур сумма техник хата арҡаһында барлыҡҡа килгән. Мәсьәлә бөгөн-иртәгә хәл ителәсәк, тигән комментарий бирә Торлаҡ-хужалыҡ идаралығы.
Хаталы квитанция алыусыларға үҙ райондарындағы торлаҡ хужалығына йәки Берҙәм иҫәп-касса үҙәгенә мөрәжәғәт итергә кәрәк.
