Рәсәйҙә ил президентын һайлау башланды

Бөтә ил буйлап 80 миллиондан ашыу кеше үҙ тауышын лайыҡлы тип һанаған кандидатҡа бирә ала. Башҡортостанда 3 500-ҙән ашыу һайлау участоктары эшләй, уларҙың 38-е кешеләрҙең ваҡытлыса йәшәгән урынында: санаторийҙар, дауахана һәм Өфө ҡалаһының тимер юл вокзалы.

Һайлаусылар өсөн башҡорт, татар һәм урыҫ телендә 3 миллиондан ашыу бюллетендәр әҙерләнгән.

Иҫегеҙгә төшөрәбеҙ: ил президенты вызифаһы өсөн 8 кеше көрәшә. Сергей Бабурин («Рәсәй бөтә халыҡ берҙәмлеге»), Павел Грудинин (КПРФ) , Владимир Жириновский (ЛДПР), Владимир Путин, Ксения Собчак, («Гражданлыҡ инициативаһы»), Максим Сурайкин («Рәсәй Коммунистары»), Борис Титов («Үҫеш партияһы») и Григорий Явлинский («Алма партияһы»).