29 дауаханала һайлау участкалары булдырылған, улар ҙа киске сәғәт һигеҙгә тиклем эшләй. Аҡ халатлыларҙан тыш, стационар дауалауҙағы пациенттар ҙа тауыш биреү мөмкинлегенә эйә. Башҡортостан һаулыҡ һаҡлау министрлығынынан хәбәр итеүҙәренсә, сәләмәтлеге буйынса участкаға барып, тауыш бирә алмаусылар өсөн дә уңайлыҡтар булдырылған.
Светлана Ҡусҡарбәкова, Башҡортостан һаулыҡ һаҡлау министрлығының матбуғат хеҙмәте етәксеһе: «Яңы ғына операция үткәргән, аҙ мобилле граждандарға теләктәре буйынса һайлауҙа ҡатнашыу мөмкинлеге бирелә. Дауаханаларҙың баш табиптары уларҙың палатаһына һайлау участкалары вәкилдәрен саҡырта».
