“Аэрофлот” компанияһы мәғлүмәте буйынса, Ҡаһирәгә тәүге самолет 11 апрелдә осасаҡ.
Самолеттар аҙнаһына өс тапҡыр: дүшәмбе, шаршамбы һәм шәмбе осасаҡ. Мысырҙан рейстар шишәмбе, кесаҙна, йәкшәмбегә планлаштырылған.
Иҫегеҙгә төшөрәбеҙ, 2015 йылдың 31 октябрендә Шарм-эль-Шейх ҡала күгендә “Когалым авиалинияһы”ның самолеты шартлағайны. Фажиғә рәсми рәүештә терракт, тип иғлан ителде. Унда 224 кешенең ғүмере өҙөлдө. Рәсәйҙән Мысырға һауа юлы ябылғайны.
