Башҡортостандың Урман хужалығы министрлығы асыҡ ишектәр көнөн үткәрә

“Урмансылар ишек аса” Бөтөн Рәсәй акцияһы сиктәрендә БР-ҙың Урман хужалығы министрлығы 21 мартта мәктәп уҡыусылары һәм Башҡорт дәүләт аграр университеты студенттарына “Асыҡ ишектәр көнөн” уҙғара.

Урман хужалығы министрлығының матбуғат-хеҙмәте хәбәр итеүенсә, экскурсия ваҡытында уҡыусылар урман эше тураһында мәғлүмәт аласаҡ, шулай уҡ тәүлек әйләнәһенә янғындар һәм урман өлкәһендәге енәйәттәр тураһында хәбәрҙәр ҡабул иткән диспетчер үҙәге менән танышасаҡ.