Акцияла баш ҡаланың 160-сы гимназияһы, 5-се лицей һәм 13-сө коррекция мәктәбе уҡыусылары ҡатнашты. «Изгелек» фонды тарафынан ойошторолған приютта 400-ҙән ашыу эт тотола. Сараны ойоштороусы Ләйсән Хәйруллина әйтеүенсә, был сама йәнлектәрҙе аҫрауы ауыр. Шуға күрә улар мәктәп уҡыусылары һәм уларҙың ата-әсәләре менән бындай сараларҙы йыш ойоштора.
Уҡыусыларҙа хайуандарға ихтирамды бәләкәйҙән тәрбиәләү мөһим. Шуға күрә бындай сараларҙан бер ваҡытта ла ситтә ҡалмайбыҙ, ти баш ҡаланың 13-сө мәктәп-интернат уҡытыусыһы Гөлсирә Баймырҙина. Икенсенән, эттәр ҙә, балалар ҙа туйғансы уйнап, күңел асып ҡайталар.
