Башҡортостан башлығы Рөстәм Хәмитов Кемеров ҡалаһындағы сауҙа-күңел асыу комплексындағы янғында һәләк булыусыларҙың ғаиләләренең, туғандарының һәм яҡындарының ҡайғыһын уртаҡлашты

Кемеров өлкәһе губернаторы Аман Тулеев исеменә ебәрелгән телеграммала былай тиелә:

«Башҡортостан Республикаһы һәм үҙемдең исемдән Кемеров ҡалаһындағы сауҙа-күңел асыу үҙәгендәге янғынға бәйле ҡайғығыҙҙы уртаҡлашам. Был фажиғә, айырыуса балаларҙың һәләк булыуы Башҡортостан халҡын тетрәндерҙе.

Уртаҡ юғалтыуҙы Кемеров халҡы менән бергә кисерәбеҙ»,-тиелә Башҡортостан Башлығының ҡайғы уртаҡлашыу телеграммаһында.