Стәрлетамаҡ районында янғында ике ир һәләк булған

Янғын 27 март төнөн сыға.

Ғәҙәттән тыш хәлдәр министрлығына Стәрлетамаҡ районының Айгөл ауылындағы янғын тураһында 01:44 сәғәттә хәбәр килә. Фажиғә урынына туғыҙ ҡотҡарыусы юллана.

Ут һүндергән мәлдә ике ир мәйете табыла. Береһе 61 йәшлек ир икәнлеге асыҡлана, икенсеһен әлегә таный алмағандар. Янғын сәбәптәре асыҡлана.