“БСТ”, “Ҡурай”, “Тамыр” телеканалдары, шулай уҡ “Юлдаш”, “Спутник ФМ”, “Ашҡаҙар” һәм “Юлдаш plus” радиостанциялары 2018 йылдың 28 мартында иғлан ителгән матәм көнөнә ярашлы тапшырыуҙар теҙмәһен үҙгәртә. Был көндө эфирҙа реклама һәм күңел асыу программалары булмаясаҡ.
«Башҡортостан” телерадиотапшырыуҙар компанияһы директоры Рөстәм Зәрәфетдинов хәбәр итеүенсә, матәм көнөндә БСТ каналында “Сәләм” тапшырыуы, шулай уҡ башҡа күңел асыу программалары ла эфирға сыҡмаясаҡ. “Ҡурай” музыкаль телеканалының эстәлеге лә тулыһынса үҙгәртеләсәк.
Кемерово өлкәһендәге фажиғәгә бәйле, республика радиоканалдары шишәмбе үк үҙенең форматын үҙгәртте, тип өҫтәне “Башҡортостан” ТРК ДУП етәксеһе.
