Бөгөн, 27 мартта, Белорет районында ҡурҡыныс авария теркәлгән.
Республика Дәүләт автоинспекцияһы хәбәр итеүенсә, аврия Стәрлетамаҡ – Белорет – Магнитогорск автотрассаһының 135-се саҡрымында була. Силәбе өлкәһенән 47 йәшлек ГАЗ водителе КамАЗ менән бәрелешә. КамАЗ руле артында 32 йәшлек Белорет кешеһе булған. Һөҙөмтәлә ГАЗ водителе һәләк була.
Әлеге ваҡытта фажиғә урынында ЮХХДИ хеҙмәткәрҙәре эшләй, авария сәбәптәрен асыҡлай.
