Башҡортостанда Дәүләт Йыйылышы - Ҡоролтайға депутатлыҡҡа кандидаттар исемлеген билдәләү буйынса «Берҙәм Рәсәй» сәйәси фирҡәһе алдан тауыш биреүҙәр ойоштороу тураһында иғлан итте

2 апрелдән 8 майға тиклем праймеризда ҡатнашырға теләүселәрҙән ғаризалар ҡабул ителәсәк. Бөтә Рәсәй буйынса алдан тауыш биреү көнө 3 июнгә тәғәйенләнгән. Унан алда кандидаттар тәҡдим иткән программа буйынса фекер алышыуҙарҙа, йәғни, дебаттарҙа ҡатнашырға тейеш буласаҡ. «Берҙәм Рәсәй» партияһының төбәк сәйәси советы секретары, Дәүләт Йыйылышы - Ҡоролтай рәйесе Константин Толкачев фекеренсә, әле партияның һайлау алды программаһын әҙерләү мөһим, унда халыҡ өсөн көнүҙәк башланғыстарҙы индереү мөһим. Шуға ла праймеризда киң ҡатлам йәмәғәтселектең ҡатнашыуын тәьмин итеү бурысы ҡуйыла.

Авторы: Илдар Байбулатов