Бөтә донъяла уҙғарылған флешмобҡа Башҡортостан да ҡушылды. Баш ҡалала ирекмәндәр листовкалар, шарҙар һәм күк төҫкә буялған печеньелар таратты. Был төҫ Бөтә донъя аутизм ойошмаһы билдәһе. Тап ошо көндә төрлө илдәрҙең архитектур ҡоролмалары күк төҫтәр менән яҡтыртыла. Теләктәшлек йөҙөнән баш ҡаланың «Родина» кинотеатры ла күккә мансылды.
Вера Устинова, аутизм менән сирләүсе балалар һәм өлкәндәргә ярҙам итеү ойошмаһы рәйесе: «Хәҙерге заманда ғаиләнең матди хәле, социаль статусына, милләтенә ҡарап тормай мөмкинлектәре сикләнгән , шул иҫәптән аутист балалар тыуыуы ихтимал. Ундайҙар йылдан-йыл арта ғына. Ғаиләләр үҙенсәлекле балаларҙы ҡабул итергә әҙер булһын өсөн мәғлүмәт таратабыҙ».
