Башҡортостанда ышылдаҡ аҡҡоштарҙы күҙәткәндәр

Ышылдаҡ аҡҡоштар, 2 апрелдә, Өфөлә күренгән. “Өфө ҡоштарының атласы” пректы ирекмәндәре хәбәр итеүенсә, улар Сипайлово биҫтәһендә, Ҡариҙел буйында булғандар.

Башҡортостанда быйыл өс ышылдаҡ аҡҡош ғаиләһе ҡышлаған. Улар Салауат, Стәрлетамаҡ һәм Дәүләкән ҡалаларында күҙәтелгән.

Ышылдаҡ аҡҡош – асыуланған ҡаҙ һымаҡ, ышылдаған тауыш сығара. Шым ҡош. Тәбиғәттә бик һирәк осрай.