Башҡортостан буйынса Роспотребнадзор идаралығы хеҙмәткәрҙәре яҡынлашып килгән эпидемия миҙгеле хаҡында иҫкәртә. Йыл һайын төбәктең медицина учреждениеларына талпан ҡаҙалып ун меңгә яҡын кеше мөрәжәғәт итә.
Былтыр энцефалит вирусынан 22 кеше зарарланған булған. Бәләгә тарымаҫ өсөн прививка яһатырға мөмкин. Йыл һайын утыҙ меңгә яҡын кеше был һаҡланыу сараһынан файҙалана. Әммә вакцинацияны көҙгөһөн башлау яҡшыраҡ, сөнки бөжәктәрҙең әүҙемлегенә тиклем организмда иммунитет барлыҡҡа килергә тейеш. Икенсе тапҡыр прививка 5-7 ай үткәс, өсөнсөһө яҡынса ярты йылдан һуң эшләнә.
