Башҡортостанда " Студент яҙы фестивале" башланды

Йәштәр фестиваленең рәсми өлөшөн йола буйынса Өфө дәүләт сәнғәт институты студенттары аса. Бөтә уҡыу йорттарының иң сағыу сығыштары абруйлы жюри тарафынан "Башҡортостан" дәүләт концерт залында үтәсәк гала-концертҡа һайлап алынасаҡ.

Рәсәй студеттарының яҙғы фестивале үҙешмәкәр студент ижадын үҫтереүсе берҙән-бер программа. Ул 1992 йылдан бирле тормошҡа ашырыла һәм халыҡ-ара кимәлдә үткән 2, бөтә Рәсәй кимәлендә 10, округтарҙа 9 һәм төбәктәрҙә 80 сараны үҙ эсенә индерә. "Студент яҙы" фестивале прораммаһында йыл һайын илебеҙҙең төрлө мөйөштәрендәге уҡыу йорттарынан миллион ярым студент сығыш яһай.

“Бөгөн сәхнәгә беҙҙең кафедраның иң сағыу йондоҙҙары сығасаҡ. Тәүге булып Башҡортостандың йәштәр симфоник оркестры сығыш яһай. Ғөмүмән концертта 16 номер ҡаралған”.

Рауил Аллаяров, Заһир Исмәғилев исемендәге Өфө дәүләт сәнғәт институтының концерт бүлеге мөдире

Автор: Гүзәл Борханова.