Раил Ғәлимов дауаханаға аяғы һынып эләгә. Ир Себерҙә вахта менән эшләгән. Сираттағы тыуған яғына ҡайтыуы фажиғәле тамамлана. Ул урамда йығылып аяғын имгәтә, тиҙ ярҙам машинаһы ирҙе үҙәк район дауаханаһына килтерә. Операция яһайҙар, әммә бер-нисә көндән ул һәләк була. Ғәлимовтың туғандары уның ҡапыл донъянан китеп барыуы менән килешә алмай.
Раил Ғәлимовтың туғаны Ләйсән Ҡудашева хәбәр итеүенсә, ир тәмәке тартырға сыҡҡанда йығылған. Тиҙ ярҙам машинаһы шунда уҡ килеп алып киткән. Операция яһағандар. Туғандары уның ни өсөн вафат булғанын ғына аңлай алмай.
Туймазы үҙәк район дауаханаһы юрисы белдереүенсә, пациентҡа тейешле медицина ярҙамы күрһәтелгән. Уның үлем сәбәбен асыҡлау буйынса экспертиза үткәрелә. Тәфтиш комитеты енәйәт эше асҡан.
