Хәйбуллала агрономдар семинары үтте. Ауыл хужалығы эшсәндәре ҡар иреп бөтмәҫ элек яҙғы сәсеү эштәренә әҙерлек кимәлен барлап, тупраҡты эшкәртеүҙә яңы ысулдар, заманса гибридтар һәм ашламалар ҡулланыу хаҡында тәжрибә уртаҡлашты.
Семинарҙың Яңы Украинка хужалығы базаһында ойошторолоуы осраҡлы түгел. Бында районда иң уңышлы эшләгән фермер хужалығы бар. Погореловтар яҙғы сәсеү эштәренә тулыһынса әҙер. Техника яңыртылған, яғыулыҡ-майлау материалдары һәм орлоҡтар алдан хәстәрләнгән.
Семинарҙа ҡатнашыусылар шулай уҡ яңы төр үҫемлектәр һәм заман технологиялары менән дә танышты. Бындай автоүлсәүҙәр райондың ике хужалығында ғына бар. Аграрийҙар шулай уҡ сәскестәр һәм орлоҡ таҙартыусы ҡорамалдарҙы ла ҡыҙыҡһынып өйрәнде.Ҡыш ҡар әҙ яуһа ла, аграрийҙар быйылғы йылдан яҙғы һәм йәйге яуым-төшөмгә таянып, мул уңыш алырға иҫәп тота. Районда шулай уҡ ерҙәрҙең уңдырышлығын арттырыу программаһы ла тормошҡа ашырыласаҡ.
