Башҡортостан юлдаш телевидениеһы "Туй мәшәҡәттәре", тип исемләнгән яңы реалити-шоу башлай

Әле ҡатнашыусыларҙы һайлап алыу туры бара. Проект ғаилә йылына арналған.

Әле был йәш парҙың иң бәхетле осоро. Әммә ике көн элек уларҙың туйҙары билдәһеҙ ваҡытҡа күсерелеүе лә ихтимал ине. Барыһы ла байрамға әҙерлек мәшәҡәттәре арҡаһында. Матур видео һәм фотоһүрәттәр артында йоҡоһоҙ төндәр һәм туй индустрияһы белгестәре менән туҡтауһыҙ осрашыуҙар... Беҙҙең телеканал яңы реалити-шоуҙа хәҙерге йәштәргә туйға әҙерләнгәндә ниндәй ҡатмарлыҡтар көтөүе тураһында һөйләйәсәк.

“Яңы проектта беҙ туй индустрияһы нескәлектәрен күрһәтәбеҙ һәм теләге булған йәштәрҙе был юлды бергә үтергә саҡырабыҙ. Әлеге ваҡытта быйыл йәй туй үткәрергә планлаштырған һәм беҙҙең реалити-шоуҙа ҡатнашырға теләгән парҙарҙы һайлап алыу өҫтөндә эшләйбеҙ”.

Елена Башкирцева, проект авторы һәм алып барыусыһы

Туй мәшәҡәттәре проектына кастингта ҡатнашыу өсөн буласаҡ кәләш менән кейәү үҙҙәре тураһында видеояҙма ебәрергә тейеш. Проект һуңында иң сағыу ике пар ҡала. Улар төп приз - туй сәйәхәте өсөн көрәшәсәк.

“Проектта бер үк бюджетлы, әммә төрлө форматлы ике туй күрһәтәсәкбеҙ. Иң яҡшы пар телевизор ҡараусылар тауышы буйынса билдәләнә. Һәр кемдең өмөтө бар. Шуға күрә, ятып ҡалғансы атып ҡалығыҙ, йәғни беҙҙең проект кастингына килегеҙ”.

Иван Тихонов, проект авторы һәм алып барыусыһы

Туй һәр кем өсөн мөһим һәм тулҡынландырғыс ғүмер байрамы. Шуға күрә, проект авторҙары йәш парҙарға хыялындағы туйҙы ойоштороға ярҙам итә. Төп приз - туй сәйәхәтенән тыш, йәштәргә проект партнерҙарынан башҡа ҡиммәтле бүләктәр ҙә әҙерләнгән.