Юл-транспорт ваҡиғаһында зыян күргән пассажир компенсация аласаҡ. 24 йәшлек водителгә бына ошондай ҡарар сығарылды.
Республиканың Юғары судынан хәбәр итеүҙәренсә, уҙған йылдың октябрендә ғәйепләнеүсе автомобиль менән идара итә алмай. Һөҙөмтәлә, машина ауҙарылыу сәбәпле, артта ултырыусы пассажир зыян күрә. Хәүефһеҙлек ҡайышын эләктермәгән ҡыҙ автомашина салонынан осоп сыға.
Ғәйепләнеүсе үҙ ғәйебен таный. Суд, зыян күреүсегә компенсация түләргә, 2 йылға водитель таныҡлығынан һәм бер йылға иркенән мәхрүм итергә, тигән ҡарар сығарҙы.
