Космонавтика көнө уңайынан Дәүләт Йыйылышы- Ҡоролтайҙа Гагарин олимпиадаһын ойоштороуҙа әүҙемлек күрһәткән уҡытыусылар тәбрикләнде. Мәғариф алдынғыларын республика парламенты рәйесе Константин Толкачев ҡотланы.
Тантанала Рәсәй геройҙарының ҡатнашыуы сараға оло мәртәбә өҫтәне. Уҡытыусыларҙы олимпиаданың ойоштороу комитеты рәйестәше, илдең 113-сө космонавты Сергей Ревин, граждандар авиацияһының легендар летчигы Владимир Шарпатов, яҡташыбыҙ һәм шулай уҡ Рәсәй геройы, хәрби летчик Владимир Алимов тәбрикләне. Балалар һәм уҡытыусылар өсөн дә Юрий Гагариндың ҡаһарманлығын һәм патриотизм иделогияһын дауам итеүселәр менән осрашыу ҙур әһәмиәткә эйә.
