Яңы учреждение хоккей федерацияһының Башҡорт физик культура институты менән берләшеүе һөҙөмтәһендә барлыҡҡа килде. Тренерҙар мәктәбенә Сергей Михалев исеме бирелде.
Уҡыу йортонда махсус дисциплиналар буйынса юғары квалификациялы белгестәр әҙерләү күҙ уңында тотола. Әлегә бындай мәктәптәр Мәскәү, Омск, Санкт-Петербург ҡалаларында һәм Силәбе өлкәһендә эшләп килә. Башҡортостанда бөгөнгө көндә хоккей буйынса 200-ләп белгес иҫәпләнә. Тренерҙар мәктәбендә улар белемдәрен профессиональ алымдар ярҙамында камиллаштыра ала. 8 ай дауам итәсәк курстарға ғаризалар ҡабул ителә, уҡыуҙар август айында башлана.
