Мәләүездә мәктәптә уҡыусы ике ҡыҙ күп ҡатлы йорт башына менеп, фотосессия ойошторған. Был хаҡта интернет селтәрендә һүҙ бара.
Фотоһүрәттәр социаль селтәрҙәрҙә баҫылып сыға. Йәш ҡыҙҙарҙың ҡылығын социаль селтәр ҡулланыусылары өнәп етмәй. Күптәрҙә, был ҡыҙҙар ҡыйыҡ башына нисек барып эләккән һәм ата-әсәләре ҡайҙа ҡарай, тигән һорау килеп тыуа. Ҡыҙҙарҙың ҡылығын күрше йортта йәшәүселәр төшөрөп ала. Һүрәттә күренеүенсә, уҡыусылар ҡыйыҡ ситендә генә тороп, фото төшәләр.
