Балыҡтар яҡлауға мохтаж

Йылға-күлдәр боҙҙан әрселеү менән Башҡортостанда балыҡ тотоу тыйыла.

Быйыл сәнәғәт балыҡсылығына сикләү 15 апрелдән, ә спорт һәм һәүәҫкәр балыҡсылыҡҡа ҡарата 25 апрелдән ғәмәлгә инә. Бындай ҡағиҙәләр ыуылдырыҡ сәсеү осоронда уңайлы шарттар булдырыу, ятҡылыҡтарҙағы балыҡ запасын тулыландырыуҙы маҡсат итеп ҡуя. Алдағы йылдарҙан айырмалы, быйылғы миҙгелдә балыҡ тотоуҙа ҡайһы бер үҙгәрештәр бар. Атап әйткәндә, республика биләмәһендә уҡ балыҡ тотоу бөтөнләй тыйыла. Браконьерҙарҙы енәйәт яуаплылығына тарттырыу, ҙур күләмдә штраф йәки мәжбүри эшкә йәлеп итеү ҡаралған.

“Уҡбалыҡ Башҡортостан Республикаһының “Ҡыҙыл китабы”на индерелде. Уны бөтөнләй тотоу тыйыла. Ыуылдырыҡ ваҡытына, 25 апрелдән 25 июнгә тиклем Ағиҙел йылғаһында балыҡ тотоуға табу һалына”.

Рәсәй балыҡсылыҡ хеҙмәтенең Башҡортостан буйынса биологик һыу ресурстарына дәүләт контроле, күҙәтеү һәм һаҡлау бүлеге етәксеһе Валерий Аҡсурин

Автор: Илдар Байбулатов.