Проекттың хаҡы 34 миллиард һум күләмендә баһалана. Был турала бөгөн Башҡортостан Башлығы Красноярск иҡтисади форумы барышында белдерҙе.
Талап ителгән аҡсаның 20 миллиарды федераль сығанаҡтарҙан, 10 миллиарды ВТБ банкы иҫәбенән, 5 миллиардҡа яҡыны республика ҡаҙнаһынан бүлеү күҙаллана. Рөстәм Хөмитов белдереүенсә, быйыл уҡ федераль кимәлдән 550 миллион һумлыҡ тәүге траншты күсереү ҡарала. Был аҡсаны алыу менән юлсылар төҙөлөш эштәрен башлаясаҡ.
