Был көндө сәғәт 11-ҙә республиканың барлыҡ ауыл-ҡалаларында өс минут дауамында электр сиреналары яңғыраясаҡ. Иҫкәртеү системаларын комплекслы тикшереү уларҙы даими рәүештә тәғәйен бурыстарын үтәүгә әҙер тотоу өсөн башҡарыла.
Сирена тауышын ишеткәс республикала йәшәүселәр һәм объекттар һәм ойошмаларҙың хеҙмәтләндереү персоналы радиоалғыстарын "Маяҡ", "Рәсәй", "Ашҡаҙар" радиоларына йә иһә "Рәсәй 1" телеканалына ҡуйырға тейеш. Халыҡты иҫкәртеү өсөн "Оксион" системаһын ҡулланыу ҙа планлаштырыла. Республикала йәшәүселәр кеҫә телефондарына смс хәбәрҙәр аласаҡ.
