Быйыл текст "Зөләйха күҙҙәрен аса" романы менән билдәлелек алған автор Гүзәл Яхинаның ижадынан алынған. Филологтар билдәләүенсә, уның әҫәре рус теленең бар грамматик һәм пунктуацион талаптарына ла яуап бирә.
Яҙма эш Өфөлә 30 урында ойошторолдо. Төп майҙансыҡтарҙың береһе Дәүләт Йыйылышы-Ҡоролтай бинаһында ине. Диктант яҙырға быйыл да халыҡ күп йыйылды. Күләмле саранан депутаттар ҙа ситтә ҡалманы.
Республика вуздары ла күләмле акцияны күтәреп сыҡты. Башҡорт дәүләт университетында, мәҫәлән, сит ил граждандары өсөн махсус аудитория бүленде. Тәүҙә улар тест һорауҙарына яуап бирһә, һуңынан яҙма эштә ҡатнашты.
Майҙансыҡ "Рәсәй - минең тарихым" тарихи паркында ла эшләне. Рус теленән белем кимәлен тикшерергә килеүселәр өсөн учреждение етәкселеге бүләктәр ҙә әҙерләгәйне
Ә 21 апрелдә башҡорт теленән региональ диктант үтә. Акция бөтә республика буйынса ойошторола. Унда ҡатнашыу өсөн алдан теркәлеү кәрәкмәй. Сара Башҡорт дәүләт университеты һәм уның филиалдарында, шулай уҡ Рәсәйҙең сиктәш төбәк ҡалаларындағы урта, урта махсус һәм юғары белем биреү учреждениеларында ойошторола. Региональ диктант яҙыуҙа теләгән һәр кеше ҡатнаша ала. Ул грамоталылыҡ мәсьәләләренә иғтибарҙы йәлеп итеү һәм грамоталы яҙыу мәҙәниәтен үҫтереүгә йүнәлтелгән.
